Onte visitei por quinta vez o Museo de Historia Natural Luis Iglesias, na Facultade de Química de Santiago. Cada vez que vou reparo en cousas diferentes. Entre as que me chamaron a atención nesta ocasión están dúas relacionadas intimamente con Samos.A primeira refírese ao corzo que aparece en primeiro termo na imaxe que segue, engaiolado na súa vitrina, donado polo abade mitrado do Mosteiro de Samos, P. Mauro Gómez Pereira.
Estas estalactitas da cova de Santalla, que agora xacen tras os vidros dun armario na sala de Mineraloxía do citado Museo, evidencian o enorme expolio que sufriu a coñecida gruta samonense. Hai cousas que no seu ámbito natural xa constitúen o mellor museo, coma o caso da cova de Santalla: un ben natural digno da mellor das proteccións.
No hay comentarios:
Publicar un comentario