A abadía de Samos celebrou a procesión dos Santos Mártires

O mosteiro de Samos celebrou o sábado 9 de xaneiro a festa dos seus patróns, os Santos Mártires San Xiao e Santa Basilisa, cunha misa solemne e unha procesión polo claustro maior da abadía, na que tomaron parte un bo número de fieis.
A celebración relixiosa estivo presidida polo abade do mosteiro de Santa María a Real de Oseira, Juan Javier Martín Hernández, quen foi invitado para a ocasión pola comunidade benedictina de Samos, co seu prior, José Luís Vélez, á fronte.
Unha vez finalizada a misa —cantada e con música de órgano—, os monxes e demais asistentes participaron con devoción na procesión, acompañada da música do grupo de gaitas Alecrín de Monforte de Lemos.
Membros da corporación samonense e veciños deste municipio portaron aos ombreiros as imaxes de San Xiao e Santa Basilisa, que percorreron o claustro interior cumprindo un ano máis coa tradición.El Progreso, 11-01-10